Il-fatt li Pajjiżna qiegħed jerġa jara żieda fin-numri tal-każijiet pożittivi tal-COVID-19 impurtati, hu riżultat tal-fatt li meta l-Gvern fetaħ it-turiżmu tal-massa naqas milli jassigura sistema loġistika b’saħħitha fil-portijiet minkejja li seta jantiċipa dan. Dan kien evidenti mill- kaos li rajna fil-portijiet, parikolarment fl-ajruport, minkejja t-talbiet għal pjan ta’ loġistika b’saħħtu mit-tmexxija tal-istess ajruport, fil-ġimgħat li għaddew.
Issa, wara ż-żieda fin-numri tal-każijiet pożittivi tal-COVID-19 impurtati, rizultat ta’ strateġija għal ħarsien tas-saħħa pubblika li reġgħet fallietlu, il-Gvern fil-paniku tiegħu impona ta’ malajr miżuri estremi li jiddiskriminaw bil-kbir kontra dawk il-persuni li ma jistawx jieħdu l-vaċċin bħal tfal, nisa tqal, każijiet ta’ persuni vulnerabbli, persuni li ilhom ma jaraw il-familji tagħhom jew Maltin li jgħixu f’pajjiżi fejn ir-rata tal-vaċċinazzjoni għadha lura.
Il-Gvern reġa’ falla għaliex għażel strateġija tat-turiżmu ħazina fejn ipprijoritizza fuq turiżmu tal-massa li ma jrendiex, filwaqt li illaxka għal kollox minn kontrolli stretti li jirrispettaw is- saħħa pubblika fil-portijiet. Dan jista jwassal sabiex negozji, is-settur turistiku u dak tal- ospitalitá, l-artisti, u kull min għamel sagrifiċċji kbar tul din l-aħħar sena ikollhom ikomplu jistennew sakemm is-sitwazzjoni terġa tiġi lura għan-normal, bil-possibilita’ li l-ħsara ssir waħda irreparabbli, fosthom l-iskejjel li jgħallmu l-Ingliz. Kien ikun aħjar jekk minflok il- Gvern ħa miżuri estremi fi stat ta’ paniku, l-iskejjel tħallew ikomplu jilqgħu lil min hu vvaċinat, primarjament adulti li huma turisti iktar ta’ kwalità milli tal-massa, filwaqt li joħloq strateġija urġenti ta’ għajnuna għalihom sabiex jappoġġjahom u jsostniehom.
Il-Gvern Laburista qiegħed għal darb’ohra juri li mhux qiegħed jieħu d-deċiżjonijiet tiegħu fl- interess nazzjonali iżda li minflok jimxi kif jistenbaħ filgħodu mingħajr rispett jew konsiderazzjoni lejn id-drittijiet tal-persuna, ix-xjenza jew is-saħħa.
Għalhekk il-Partit Nazzjonalista il-bieraħ ippropona tliet miżuri sabiex inkomplu nnaqsu l- possibilitá tal-introduzzjoni ta’ varjanti ġewwa pajjiżna u nassiguraw li s-settur turistiku u dak tal-ospitalitá, tant importanti għall-ekonomija tagħna, tkompli bir-ritmu li qabdet u tkompli titgawda ġewwa pajjiżna. Dawn il-proposti li ġew għal kollox injorati mill-Gvern li jibqa ma jismax huma li:
- Jekk il-persuna li tasal Malta tkun ivaċċinata, għandha tippreżenta ċ-ċertifikat ta’ dan, flimkien ma’ prova ta’ PCR test negattiv sa 72 siegħa mit-tluq tagħha
- Jekk il-persuna li tasal Malta ma tkunx ivaċċinata, minkejja li jkollha prova ta’ PCR test negattiv minn pajjiżha, għandha tkun screened permezz ta’ PCR test ieħor hekk kif tasal f’Pajjiżna.
- Għandu jkun hemm loġistika aktar b’saħħitha li tantiċipa ż-żieda qawwija li qegħdin naraw fit-turiżmu u sabiex jiġi evitat il-kaos li rajna fil-portijiet fil-ġimgħat li għaddew.
Dan ukoll, sabiex jiġi evitat li Pajjiżna jerġa jkollu impost fuqu mill-ġdid xi restrizzjonijiet marbuta mat-tixrid tal-pandemija, u nkomplu ngħixu fin-normalita’ filwaqt li jkun hemm ir- rispett u l-infuzar ta’ dawk il-miżuri preventivi diġa eżistenti.
//= $special ?>