Żewġ Iranjani weħlu sitt xhur priġunerija wara li kienu akkuzati li użaw passaporti Spanjoli foloz biex jipprovaw jidħlu f’Malta.
Amir Ashityani ta’ 30 s ena u Farmida Mokthari ta’ 19-il sena ammettew l-akkużi kontrihom, bil-Qorti tisħaq li għandhom jingħataw piena effettiva hekk kif dawn telqu mit-Turkija lejn il-Greċja biex minn hemm daħlu f’Malta f’attentat biex imorru lejn Franza u wara l-Ingilterra… dejjem illegalment bl-użu ta’ passaporti foloz.
L-avukat tal-għajnuna legali talab lill-Qorti għal sentenza sospiża hekk kif dan hu l-ewwel reat tagħhom filwaqt li l-ewwel jingħataw iċ-ċans li japplikaw għall-ażil.
Madanakollu, il-Qorti qalet li kellhom iċ-ċans jagħmlu dan il-proċess meta waslu l-Greċja.
//= $special ?>