EURO 2020 • Futbol • Sport • Stadju Finali

Il-UEFA tħabbar l-aqwa XI tal-Euro 2020

13 ta' Lulju 2021
(Ritratt: EPA)

Il-UEFA ħabbret uffiċjalment l-aqwa 11-il plejers fil-Euro 2020 bl-esklużjoni ta’ żewġ t’iplejers notevoli. Fost dawn kien hemm in-nuqqas ta’ Cristiano Ronaldo u Luke Shaw li t-tnejn kellhom tournament mill-aqwa, b’Ronaldo jispiċċa l-aqwa skorer b’5 gowls minkejja li l-Portugall kienu eliminati fir-round tal-aħħar sittax. Madanakollu wieħed ftit li xejn jista’ jikkritikaw l-għażla tal-plejers ntgħażlu minn flokhom b’Romelu Lukaku u Leonardo Spinazzola jkunu fost l-aktar plejers li spikkaw matul it-tournament.

Goalkeeper : Gianluigi Donnarumma (Italja)

Donnarumma ingħata l-unur tal-aqwa plejer tat-tournament wara li kien protagonist fis-semifinali kontra Sanja kif ukoll fil-finali kontra l-Ingilterra fl-għoti tal-penalties. Donnarumma żamm tliet clean sheets fl-ewwel tliet partiti tal-gruppi, fejn flimkien ma’ Chiellini u Bonucci għamluwa diffiċli għat-timijiet avversarji li jegħlbu lid-difiża Taljana.

Right Back : Kyle Walker (Ingilterra)

Kyle Walker kellu tournament mill-aqwa fid-difiża tal-Ingilterra. Southgate utilizza lil Kyle Walker kemm bħala right back f’difiża kompost min erba’ plejers, kif ukoll bħala difensur ċentrali f’difiża ta’ tlieta. Kyle Walker impressjona speċjalment għal ħeffa li wera meta d-difiża Ingliża kienet tinqabad b’xi ballun fit-tul. Jose Mourinho iddeskriva lil Kyle Walker bħal ‘annimal tal-futbol’ fejn saħansitra qal li għalih kien l-aqwa plejer tal-Euro 2020.

Difensur Ċentrali : Harry Maguire (Ingilterra)

Harry Maguire reġa’ wera l-kwalita’ li jippojedi bħala difensur ċentrali hekk kif reġa kellu tournament mill-aqwa mat-tim nazzjonali Ingliż. Maguire ma lagħbx fl-ewwel żewġ partiti tal-grupp kontra l-Kroazja u l-Iskozja hekk kif kellu injury fl-għaksa. Madanakollu fil-logħbiet ta’ wara Maguire kellu prestazzjoni aħjar minn oħra fejn saħansitra niżżel ismu fost l-iskorers fil-kwartifinali kontra l-Ukrajna.

Difensur Ċentrali : Leonardo Bonucci (Italja)

Leonardo Bonucci flimkien ma’ Girogio Chiellini mexxew lill-Italja għar-rebħ tal-Euro 2020. Id-difensuri ċentrali ikkontrollaw il-logħob kollu li lagħbu fihom fejn l-assigurazzjoni difiża tagħhom, tat lok għall-plejers offensivi tal-Italja li jieħdu r-riskji neċċessarji sabiex jirbħu l-partiti. Bonucci kien strumentali fil-finali hekk kif il-gowl tiegħu sforza l-ħin barrni, fejn eventwalment għalbu lill-Ingilterra wara l-għoti tal-penalties.

Left Back : Leonardo Spinazzola (Italja)

Spinazzola kien protagonist għat-tim Taljan fen sfortunatament weġġa’ fil-kwartifinali kontra l-Belġju. Fil-partiti ta’ qabel madanakollu, Spinazzola kien parti integrali mit-tim fejn kien l-aktar plejer veloċi tat-tournament kollu. Spinazzola saritlu operazzjoni fil-Finlandja iżda ingħaqad mal-kumplament tal-iskwadra fil-finali biex jagħti s-sapport tiegħu lil sħabu.

Midfielder Ċentrali : Pedri Gonzalez (Spanja)

Pedri sar l-iżgħar plejer li qatt lagħab għat-tim Spanjol fil-kompetizzjoni tal-Euro. Hu kien parti integrali mis-suċċess li kiseb it-tim Spanjol li wasal sas-semifinali, fejn saħansitra ingħata l-unur tal-aqwa plejer żagħżugħ tat-tournament. Pedri rnexxielu jagħmel 421 pass b’suċċess minn 461, u żgur li din l-edizzjoni tal-Euro se tibqa’ waħda memorabbli għal din il-plejer ta’ Barcelona.

Midfielder Ċentrali : Jorginho (Italja)

Jorginho sar l-10 plejer li rebaħ il-UEFA Champions League u l-Euro fl-istess staġun. Jorginho, flimkien ma’ Verratti u Barella, iddominaw l-maġġoranza tal-partiti li lagħbu l-Italja, fej il-livell tekniku tagħhom ħafna drabi issupera dak tal-avvarsarji. Jorginho skorja wkoll il-penalty kruċjali kontra Spanja li tefa’ lill-Italja fil-finali.

Mifielder Ċentrali : Pierre Emile-Hojberg (Danimarka)

Pierre Emile-Hojberg mexxa l-midfield Daniż matul il-Euro 2020 b’determinazzjoni u passjoni, l-istil assoċjat ma’ Hojberg. Il-plejer ta’ Tottenham kien dominanti fil-partiti li lagħbu d-Daniżi fejn kisser diversi attakki li affaċjaw mill-avversarji. Għalkemm għall-Hojberg u għall-sħabu ma kienx tournament faċli minħabba dak li ġara lil Christian Eriksen, huma ħarġu b’rashom mgħollija mill-Euro 2020.

Attakkanti : Raheem Sterling (Ingilterra)

Raheem Sterling probabilment kien l-aqwa plejer tal-Ingilterra fejn tist’ tgħid bil-gowls tiegħu ħareġ lill-Ingilterra mill-fażi tal-gruppi. Hu kompla jiskorja u kien strumentali fil-partita kontra l-Ġermanja. Minkejja l-kritika li kien hemm fil-konfront tiegħu fil-bidu tal-Euro 2020, Sterling rnexxielu jagħti risposta bil-logħob li wera, fejn mexxa lill-Ingilterra għall-ewwel finali tagħhom wara 55 sena.

Attakkanti : Federico Chiesa (Italja)

Federcio Chiesa kien wieħed mill-aqwa plejers tal-kompetizzjoni. Il-ħeffa tiegħu u l-kalma quddiem il-lasta wasslitu biex skorja darbtejn fil-Euro 2020, bl-aktar gowl importanti jkun dak kontra Spanja. Chiesa għamel l-istroja flimkien ma’ missieru Enrico Chiesa saru l-ewwel iben u missier li skorjaw għall-Italja fil-Kampjonati Ewropej.

Attakkanti : Romelu Lukaku (Belġju)

Romelu Lukaku temm il-kompetizzjoni b’erba gowls fejn għal darb’oħra wera l-kwalita’ li għandu bħala attakkant. Minkejja li l-Belġju għal darb’oħrama rnexxielomx jirbħu l-kompetizzjoni b’dik li hi msejjħa l-‘golden generation;’, Lukaku u sħabu se jkunu qed iħarsu lejn it-Tazza tad-DInja tal-Qatar fl-2022, sabiex jirbħu l-ewwel tournament internazzjonali maġġuri