Rapport: Stewart Said
MARSASKALA FISH AND FISH….. 9
OTTERS NIVEA…………………………. 5
(2-1), (2-0), (3-1), (3-2)
Marsaskala Fish and Fish rebħu l-ewwel tliet punti tagħhom minn Grupp B b’rebħa meritata. Huma komplew jibnu fuq il-prestazzjoni tajba li kellhom kontra Sliema u kkontrollaw lill-avversarji tul il-logħba.
Jean Claude Cutajar fetaħ l-iskor għal Marsaskala iżda l-veteran Charlie Zammit wieġeb għal Otters. Mark Carani poġġa lit-tim ta’ Arpad Babay fil-vantaġġ ftit qabel tmiem l-ewwel sessjoni. L-istess Carani skorja t-tieni gowl personali fit-tieni sessjoni, b’Kyle Navarro jkabbar il-vantaġġ għal 4-1.
Marsaskala aċċertaw mir-rebħa fit-tielet sessjoni hekk kif komplew jikkontrollaw il-logħba. Mark Carani għaqqad tripletta personali u flimkien mal-gowls ta’ Jake Ciantar u Jean Claude Cutajar temmew is-sessjoni 7-2. Għal Otters għamel l-iskor momentarju 6-2 Luke Hyzler minn penalty. Otters irnexxielhom jagħmlu l-iskor aktar rispettabbli billi rebħu l-aħħar sessjoni.
Marsaskala: J. Micallef, J.C. Cutajar (2), A. Camenzuli, P. Privitera, G. Sammut, L. Grixti, K. Navarro (2), M. Manara, S. Micallef, L. Felice, J. Ciantar (2), M. Carani (3), A. Muscat, G. Galea, N. Gatt
Otters: M. Xerri, C. Spiteri Debarro, M. Lanzon, L. Hyzler (1), E. Meli (1), L. Gialanze (1), K. Scicluna, G. Mizzi, D. Dimech, C. Zammit (2), Z. Bartolo, O. Zammit, D. Spiteri, M. Farrugia, L. Dimech
Referees: Massimo Angileri, Ronnie Spiteri
NEPTUNES…………. 21
TA’ XBIEX…………… 4
(4-1), (6-0), (4-1), (7-2)
Fl-ewwel logħba tal-ġurnata, kif mistenni Neptunes kisbu rebħa faċli fuq Ta’ Xbiex bl-iskor ta’ 21-4. L-ambizzjonijiet taż-żewġ timjiet huma differenti, b’Neptunes għandhom l-ambizzjoni li jirbħu l-kampjonat filwaqt li Ta’ Xbiex għandhom l-għan li jagħtu ċans liż-żgħażagħ jilagħbu.
Doppjetta ta’ Stevie Camilleri, Jeremy Abela u Jake Muscat taw vantaġġ ta’ 4-1 lil Neptunes fl-ewwel sessjoni, b’Daniel Rizzo jġib id-draw momentarjament minn penalty. It-tim ta’ Jovan Popovic assigura r-rebħa fit-tieni sessjoni b’sitt gowls mingħajr risposta. Gabriel Pace u Jake Muscat skorjaw doppjetta kull wieħed flimkien ma’ gowls ta’ Jordan Camilleri u Michael Spiteri Staines.
B’distakk kbir ta’ 10-1, il-gowlkiper regolari ta’ Neptunes Alan Borg Cole ngħata l-mistrieħ u minfloku daħal jilgħab Andrew Bugeja. Erba’ gowls minn erba’ plejers differenti kkaratterizzaw it-tielet sessjoni, b’Rizzo jerġa’ jsib ix-xibka għal Ta’ Xbiex. Fl-aħħar sessjoni għalkemm Popovic kompla bir-rotazzjoni fit-tim, Neptunes komplew jiskorjaw. Iż-żagħżugħ Mark Castillo skorja tlieta mis-seba’ gowls fis-sessjoni, b’Rizzo u Jayden Cassar isibu x-xibka għal Ta’ Xbiex.
Neptunes: A. Borg Cole, J. Muscat (3), L. Calleja, G. Pace (3), M. Castillo (3), J. Spiteri Staines (1), S. Camilleri (3), J. Camilleri (1), J. Abela (1), M. Spiteri Staines (2), A. Fenech (2), S. Gialanze (1), A. Bugeja, M. Farrugia, R. Galea (1)
Ta’ Xbiex: M. Vassallo, R. Greco, Z. Cutajar Licari, J. Pace Mizzi, J. Cassar (1), M. de Marco, J. Saliba, J. Cutajar, K. Borg, S. Azzopardi, E. Schembri, D. Rizzo (3), A. Theuma, S. Engerer
Referees: Peter Balzan, Richard Mercieca
Logħob li jmiss
Il-Ġimgħa
Grupp A
Sliema v Ta’ Xbiex 6.00pm
Neptunes v Marsaskala 7.05pm
Grupp B
Valletta v Sirens 8.10pm
