Max Verstappen għeleb l-isfida ta’ Lewis Hamilton u Valtteri Bottas biex rebaħ l-ewwel ‘sprint race’ li saret fiċ-ċirkwit ta’ Silverstone fl-Ingilterra. Is-sewwieqa li temmew fl-ewwel tliet postijiet, kisbu wkoll, tliet punti, żewġ punti u punt rispettivament fil-klassifika ġenerali tas-sewwieqa.
Intant it-tellieqa żammet mal-aspettativa hekk kif is-sewwieqa saqu 17-il dawra, b’Lewis Hamilton u Max Versatppen itemmu sekonda biss ‘il bogħod minn xulxin. Fernando Alonso ta’ Alpine Racing kellu bidu mill-aqwa hekk kif mill-11-il post irnexxielu jitla’ fil-ħames post.
Fi tmiem it-tellieqa, Max Verstappen qal li kienet diffiċli biex jaqbeż lil Lewis Hamilton hekk kif is-sewwieq ta’ Mercedes beda mill-ewwel post wara li lbieraħ rebaħ is-sessjoni ta’ kwalifikazzjoni. Lewis Hamilton minn naħa l-oħra qal li jinsab grat lejn il-partitarji kollha li attendew minkejja li ma rnexxielux jirbaħ.
Sprint Race: 1. M. Verstappen, 2. L. Hamilton, 3. V. Bottas, 4. C. Leclerc, 5. L. Norris, 6. D. Ricciardo, 7. F. Alonso, 8. S. Vettel, 9. G. Russell, 10. E. Ocon, 11. C. Sainz, 12. P. Gasly, 13. K. Raikkonen, 14. L. Stroll, 15. A. Giovinazzi, 16. Y. Tsunoda, 17. N. Latifi, 18. M. Schumacher, 19. N. Mazepin, 20. S. Perez
