L-attakkant Franċiż Olivier Giroud ħalla lil Chelsea biex issieħeb ma’ Milan fis-Serie A għas-somma ta’ €2 miljun ewro.
Giroud kien issieħeb lil Chelsea mingħand ir-rivali Arsenal fl-2018 fejn qatta’ tliet snin. F’messaġġ fuq il-midja soċjali, Giroud rringrazzja lill-klabb minn Stamford Bridge u qal li se jibqa’ jiftakar il-memorji mal-Blues fejn fost l-oħrajn rebaħ l-FA Cup, l-Europa League u ċ-Champions League. Ma’ Chelsea Giroud lagħab 119-il partita fejn skorja 39 gowl.
