Is-Sloven Tadej Pogacar ta’ Team Emirates huwa r-rebbieħ tal-edizzjoni 2021 tat-Tour de France. Pogacar rebaħ b’total ta’ 82 siegħa 56 minuta 36 sekonda b’distakk ta’ 5 minuti 20 sekonda mill-Belġjan Jonas Vingegaard ta’ Jumbo Visma . Fit-tielet post temm Richard Carapaz mill-Ekwador ta’ Ineos Granadiers b’distakk ta’ 7 minuti u 3 sekondi. L-aħħar ġurnata tat-Tour kienet il-21 stadju li sar fit-toroq ewlenin ta’ Pariġi b’rotta mill-Louvre għal Champs Elysee lejn Place de la Concorde bi tmiem mal-Arc de Triomphe.
Suċċess fl-aħħar ġurnata għal Belġjan Wsout Van Aert ta’ Jumbo Visma li rebaħ l-isprint f’ sagħtejn 39 minita 37 sekonda. Fl-istess ħin daħlu l-Belġjan Jasper Philipsen ta’ Alpecin Fenix u l-Britanniku Mark Cavendish ta’ Quick Step. Ma rnexxiex fl-isprint it-tentattiv ta’ Cavendish li jirbaħ il-35 stadju tal-karriera li kien ipoġġieħ bħala l-aktar wieħed li rebaħ fit-Tour. B’34 suċċess jinsab daqs il-leġġendarju Eddy Merckx.
//= $special ?>