Minn tal-inqas 35 persuna tilfu ħajjithom f’attakk suwiċida li seħħ f’suq miftuħ fil-belt ta’ Bagdad. Fl-istess attakk indarbu 60 persuna b’numru minnhom jinsabu f’kundizzjoni kritika.
L-isplużjoni ħalliet ħerba sħiħa b’diversi ħwienet jispiċċaw f’sitwazzjoni devastanti jippruvaw isalvaw dak li setgħu.
L-Istat Iżlamiku ddikjara r-responsabbiltà għal dan l-attakk, u qal li wieħed mill-membri tiegħu sploda lilu nnifsu meta kien bil-wieqfa f’nofs il-folla.
