Il-judoka Naohisa Takato rebaħ l-ewwel midalja tat-deheb għall-pajjiż li qed jospita l-Olimpjadi hekk kif fil-finali tal-Judo ta’ taħt is-60 kg għeleb lil Yung Wei Yang. Takato rebaħ l-aħħar tliet rawnds wara li Yang wettaq numru ta’ fouls matul il-partita.
Fl-2016, fl-Olimpjadi ta’ Rio, Takato kien rebaħ il-bronż. Il-Ġappun mistenni jkun wieħed mill-aqwa timijiet fil-Judo hekk kif matul il-jum tas-Sibt rebaħ id-deheb fis-sezzjoni tal-irġiel u l-fidda f’dik tan-nisa.
