Hend Zaza l-iżgħar atleta f’Tokjo kienet eliminata fl-ewwel rawnd tat-table tennis. Zaza li għad għandha 12-il sena tittama li permezz tad-debutt tagħha fl-Olimpjadi tispira aktar atleti żagħżagħ sabiex ma jaqtgħux qalbhom u jaħdmu biex il-ħolm isir realtà.
L-atleta mis-Sirja kienet eliminata minn Liu Jia tal-Awtrija f’telfa ta’ 4-0. Zaza li għexet t-tfulija tagħha fil-gwerra qalet li fl-edizzjoni li jmiss se tkun qed taħdem biex tavvanza kemm jista’ jkun.
