B’seba’ voti kontra tnejn ġurija ħelset Niġerjan ta’ 44 sena minn akkużi li kien kompliċi fit-traffikar tal-eroina f’Ġunju, 2010. Il-ġuri kien ilha għaddejn minn nhar it-Tlieta 20 ta’ Lulju uddiem l-Imħallef Consuelo Scerri Herrera. Flimkien ma’ persuna oħra Kenneth Duri kien qed jiġi akkużat b’kompliċità ma aktar minn kilo eroina.
Duru u l-persuna l-oħra kienu ħarbu lejn l-Italja fl-2018 eżatt qabel ma beda jinstema’ l-każ iżda kienu ntbagħtu lura Malta wara ħruġ ta’ Mandat ta’ Arrest Ewropew. Xhieda mportanti li nqrat fl-awla kienet ta’ courrier tad-droga. Il-ġurati semgħu l-fatt li l-courrier żagħżugħ kien ammetta ir-rwol tiegħu f’kunsinna kkontrollata ta’ 11-il sena ilu li nqrat lill-ġurati waqt il-ġuri.
Dwar l-akkużat Kenneth Duru, huwa kien ġie arrestat fil-playing field ta’ Birżebbuġa fejn ingħad li kien qed jistenna li jiltaqa’ ma’ barrani biex jieħu konsenja tad-droga maħsuba li ddaħħlet b’mod klandestin f’Malta. fiż-żarbuna tal-courrier. Madankollu, it-traffikant tad-droga kien ġie interċettat u arrestat mal-wasla tiegħu fl-Ajruport Internazzjonali ta’ Malta u uffiċjal pajżan, li kien qed jagħmilha ta’ courrier, fejn kien iltaqa’ ma’ raġel ta’ ġilda skura li kien liebes kappa, li kellu jirċievi l-kunsinna.
Numru ta’ uffiċjali bl-uniformi kienu ħadu sehem f’dik l-operazzjoni, li kienet irriżultat fl-arrest ta’ Duru, u li xehedu fil-proċess. L-akkużat oriġinarjament kien ġie mixli flimkien mat-tieni traffikant suspettat tad-droga, li kien irnexxielu jaħrab mix-xena tal-operazzjoni ta’ kunsinna kkontrollata billi riekeb abbord karozza tal-linja li kienet qed toqrob wara li ħass li kien hemm xi ‘ħaġa tinten.’
It-tieni suspettat, Theophilus Nwadike, aktar tard ġie arrestat u akkużat ukoll li kkonfoffa biex ibigħ jew jitraffika l-eroina. Minn dak iż-żmien il-proċeduri kriminali fil-konfront tiegħu ġew konklużi. Il-courrier, dak iż-żmien ċittadin Spanjol ta’ 19-il sena Justo Ernesto Bellver Bayo, kien sussegwentement inżamm il-ħabs u mmultat wara li ammetta l-irwol tiegħu fil-konspirazzjoni tat-traffikar tad-droga.
Peress li r-raġel ma kienx għadu Malta u ma setax jiġi rintraċċat, ix-xhieda tiegħu quddiem il-Maġistrat inkwirenti, kif ukoll waqt il-kumpilazzjoni ta’ provi kontra l-allegati assoċjati tiegħu fil-konspirazzjoni, nqrat waqt il-ġuri ta’ Duru. Lura fl-2010, iż-żagħżugħ minn Valencia kien ġie mħajjar biex jidħol fin-negozju illeċitu mill-prospett li jaqla’ ftit flus.
Ħabib bl-isem ta ‘”Carlos” kien tah in-numru ta’ kuntatt ta ‘raġel imsejjaħ “Daniel” li sussegwentement stabbilixxa l-istruzzjonijiet għall-ewwel assenjazzjoni tiegħu, jiġifieri l-kunsinna ta’ ammont u tip ta’ droga mhux magħrufa bid-destinazzjoni tkun Malta .
L-istruzzjonijiet ġew mgħoddija lilu pass pass fuq il-mobajl minn “Daniel” li l-ewwel idderieġa lil Bayo lejn toilet tal-irġiel f’kafetterija ġewwa Valencia fejn kellu jirkupra telefon ċellulari Samsung, xi €200 fi flus kontanti u riżerva għall-vjaġġ lejn l-Olanda.
Ladarba jasal f’Amsterdam, lil Bayo qalulu biex jixtri SIM card ġdida għat-telefon tiegħu u biex jiġbor iż-żraben mimlija droga minn kontenitur fi stazzjon tal-ferrovija. Dawk iż-żraben kellhom jintlibsu minn Bayo fl-aħħar parti tal-vjaġġ tiegħu lejn Malta u malli iwassal id-droga b’suċċess, huwa kellu jieħu €3,000 għax-xogħol tiegħu.
Madankollu, fil-minuta li telaq mit-titjira tiegħu minn Amsterdam, huwa twaqqaf fil-kontroll doganali, fejn il-bagalji tiegħu ġew skrinjati u kklerjati. Iżda ż-żraben tqal mhux tas-soltu tal-passiġġier qajmu suspett. Uffiċjal tal-Pulizija femminili xehedet waqt il-ġuri, u spjegat kif iż-żraben kienu żvelaw “xi ħaġa skura” meta x-rayed.
Dik il- “massa” sussegwentement ġiet ikkonfermata li kienet ta’ 1,127.9 grammi ta’ eroina b’purità ta’ 26.7% b’valur tat-triq ta’ € 51,583. Bayo sussegwentement għażel li jikkopera mal-Pulizija fil-kunsinna kkontrollata, billi ħa istruzzjonijiet minn “Daniel” permezz tat-telefon u jgħaddihom lill-uffiċjali fil-mumenti li wasslu għall-arrest tas-suspettat.
L-uffiċjal femminili ddeskriviet ukoll kif hi u kollegi oħra pajżana kienu ngħataw struzzjonijiet biex imorru Birżebbuġa għall-ħabta tad-9am tal-għada tal-arrest ta’ Bayo fl-ajruport. L-ewwel kienet stenniet fil-viċinanza tal-bajja, ħdejn il-lukanda fejn il-courrier kien ġie rreġistrat għall-waqfa qasira tiegħu.
Aktar tard qalulha biex tipproċedi lejn il-bitħa fejn kellha sseħħ il-laqgħa, waqt li aġixxiet bħal kull ċittadin ordinarju biex ma tqajjimx suspett. Qalet li għall-ħabta tal-11.30am kienet rat lil waħda mill-kollegi tagħha titkellem ma ‘”raġel ta’ ġilda skura” iżda ma setgħetx tiftakar aktar dettalji peress li s-snin skadew minn dakinhar.
Il-Qorti ordnat wkoll, li fid-dawl tal-verdett milħuq mill-ġurati, kopja tal -evidenza mogħtija minn Theophilus Nwadike fil-proċeduri quddiem din il-Qorti, jiġifieri fil-proċess mill-ġurija, kif ukoll l-evidenza mogħtija fl-inkjesta u kopja tiegħu ta’ dikjarazzjoni maħruġa qabel jintbagħat lill-Kummissarju tal-Pulizija sabiex l-istess Theophilus Nwadike jiġi investigat għal sperġur (ġurament falz) taħt it-taqsima 104 tal-Kodiċi Kriminali. L-avukati tal-AĠ Kevin Valletta u Kayle Borg mexxew il-Prosekuzzjoni filwaqt li n-Niġerjan kien difiż mill-Avukat Joseph Mifsud.
//= $special ?>