Sirjan residenti ż-Żebbuġ Għawdex inħeles mill-arrest wara li fera ħafif raġel ta’ 25 sena mis-Sannat Għawdex. Ir-raġel li għandu 24 sena kien akkużat ukoll li kiser il-paċi pubblika.
Quddiem il-Qorti t’Għawdex, huwa wieġeb mhux ħati li wettaq dan ir-reat fil-5 t’Awwissu fi Triq ir-Rabat f’Marsalforn Għawdex.
Ir-raġel ingħata l-liberta’ proviżorja fuq diversi kundizzjonijiet. Il-Prosekuzzjoni tmexxiet mill-Ispettur Josef Gauci.
