Kenneth Vella
Il-Ħadd fil-għaxija fil-korsa tal-Marsa nieżel is-siparju fuq is-sensiela ta’ kampjonati Sajfin organizzati mill-Malta Racing Club bl-għajnuna tal-kumpanija Malta Race Track Limited. Dan permezz ta’ seba’ finali fuq distanza qasira ta’ 2140m u li għamlu parti mis-27 laqgħa tas-sena. L-aktar finali mistennija, dik tal-klassi Premier, intrebħet minn Baron De Majuag misjuq miz-zagħzugħ Alessandro Grech.
Tnax -il żiemel ħadu sehem fil-finali Premier. Baron De Majuag (Alessandro Grech) kien l-aktar b’saħħtu wara l-karozza tat-tluq u fl-ewwel metri fetaħ vantaġġ zgħir minn Antoine Du Bourg (Redent Magro) u Crusoe d’Anama (Charles Camilleri). Iz-ziemel ta’ Grech baqa’ jiġri b’konsistenza u b’saħħa fl-ewwel post sat-tmiem, biex qasam il-linja finali l-ewwel b’tul u nofs minn Alinea (Herman McKay). Crusoe d’Anama temm it-tielet minn Antoine Du Bourg li kellu jikkuntenta bir-raba’ pozizzjoni. Għal Baron De Majuag din kienet it-tielet rebha tas-sena.
Fil-finali tal-klassi Gold. Gigant Well (Charles Degiorgio) kellu sprint tajjeb fuq in-naħħa ta’ barra matul l-aħħar 400m biex irnexxilu jieħu t-tielet rebħa tas-sena wara li mar quddiem fid-dritta finali. Dan faċilment b’tul u nofs minn Eurythmic Sisu (Kevin Sciberras) u Bicetre (Paul Galea). Atus Picken (Domenic Xerri) temm fir-raba’ pożizzjoni.
Fi tmiem kull finali r-rebbieħa kienu premjati mill-Imħallef Emeritu Antonio Mizzi, Chairman tal-Malta Racing Club u ta’ Ekwestri Malta. Dan fil-prezenza ta’ rappreżentanti tal-isponsors. L-istagun 2021 jitkompla fl-ewwel gimgħa ta’ Settembru.
Ir-rizultati kollha
I Tigrija. Finali Kampjonat MRTL Klassi Copper Dist – 2140m. 1. Fortuna De Coudde (N. Baldacchino) Ħin – 2.43.3” (1.16.3”) 2. Follow Vet (C. Camilleri) 3. Febus Du Juille (K. Saliba) 4. Rasputin LG (R. Cassar)
II Tigrija. Finali Kampjonat MRTL Klassi Bronze B. Dist – 2140m. 1. French Arctic (N. Baldacchino) Ħin – 2.44.1” (1.16.7”) 2. Concerto Cehere (C. Calleja) 3. Etel Du Pilet (J. Gafa’) 4. Firstly Light (Sh. Portelli)
III Tigrija. Finali Kampjonat MRTL Klassi Silver B. Dist – 2140m. 1. Derby Chevaleraie (C. Camilleri) Ħin – 2.45.9” (1.17.5”) 2. Mr Magnifique (M. Bonnici) 3. Edson Boko (J. Gafa’) 4. Jadore Sugar (C. Vassallo)
IV Tigrija. Finali Kampjonat MRTL Klassi Gold. Dist – 2140m. 1. Gigant Well (C. Degiorgio) Ħin – 2.39.5” (1.14.6”) 2. Eurythmic Sisu (K. Sciberras) 3. Bicetre (P. Galea) 4. Atus Picken (D. Xerri)
V Tigrija. Finali Kampjonat MRTL Klassi Silver A. Dist – 2140m. 1. Cygnus Du Guelier (P. Galea) Ħin – 2.42.7” (1.16”) 2. El Gusto (Cherise Farrugia) 3. Hallas Judex (R. Gatt) 4. Coyote Du Relais (M. Farrugia)
VI Tigrija. Finali Kampjonat MRTL Klassi Premier. Dist – 2140m. 1. Baron De Majuag (A. Grech) Ħin – 2.38.2” (1.13.9”) 2. Alinea (H. McKay) 3. Crusoe d’Anama (C. Camilleri) 4. Antoine Du Bourg (R. Magro)
VII Tigrija. Finali Kampjonat MRTL Klassi Bronze A. Dist – 2140m. 1. Flash Du Rabutin (P. Galea) Ħin – 2.41.7” (1.15.6”) 2. Fazio Josselyn (N. Baldacchino) 3. Eclair Winner (S. Vella) 4. Derby Beconnais (S. Vella)
