Bayern Munich bdew juru l-interess tagħhom fl-attakkant ta’ Borussia Dortmund Erling Haaland. Dan kien ikkonfermat mid-Direttur Sportiv ta’ Bayern Munich Hasan Salihamidzic fejn ikkonferma li l-klabb huwa interssat bis-sħiħ fl-attakkant Norveġiż.
Salihanidzic faħħar l-kwalitajiet ta’ Haaland kemm dawk fil-ground kif ukoll dawk barra l-ground. Rapporti fil-midja Ġermaniża qed jindikaw iżda, li tista’ tkun diffiċli għal Bayern Munich li jakkwista lil Haaland minħabba li l-klabbs li huma interessati fih huma wisq aktar b’saħħithom finanzjarjament.
Matul l-istaġun li għadda, Erling Haaland skorja 40 gowl u beda dan l-istaġun fl-aqwa forma hekk kif skorja hat-trick fil-partita mit-Tazza Ġermaniża kontra Wehen Wiesbaden fi tmiem il-ġimgħa.
