L-attakkant Arġentin ta’ Barcelona Sergio Aguero mistenni jitlef 10 ġimgħat mill-istaġun il-ġdid hekk kif sofra injury fil-pexxun. Aguero ssieħeb lil Barcelona mingħand Manchester City fuq kuntratt ta’ sentejn f’Ġunju li għadda.
Aguero kien ilu 10 snin ma’ Manchester City fejn skorja 260 gowl fi 390 partita. Aktar kmieni f’Lulju Aguero kien parti mill-iskwadra tal-Arġentina li rebħet il-Copa Amercia.
Sergio Aguero f’Ġunju li għadda kien qal li ssieħeb ma’ Barcelona biex jilgħab mal-kompatrijott Lionel Messi li l-ġimgħa li għaddiet ħabbar li se jkun qed iħalli l-Barcelona.
