Għaliex il-Papa Franġisku deher bil-mobile f’idu waqt l-Udejnza Ġenerali tal-lum?
Dan ir-ritratt li inqabad mill-fotografi li kienu fil-Vatikan dalgħodu ħoloq diskussjoni kbira. Dan għaliex il-Papa, f’nofs l-Udejnza Ġenerali, għamel xi ħaġa mhux tas-soltu – waqqaf il-programm li kellu biex iwieġeb telefonata.
L-udjenzi ta’ kull nhar ta’ Erbgħa qed isiru fl-Awla Pawlu VI. U qabel ma’ mar isellem lill-fidili preżenti, il-Papa Franġisku resaq f’ġenb u ħa l-mobile mingħand wieħed mill-assistenti tiegħu li għaddielu din it-telefonata.
Kelliema għall-Vatikan qed jgħidu li din kienet telefonata privata, u għalhekk ma setgħux jagħtu aktar kummenti.
