Gudja U…………………………0
Sirens…………………………….1
Gudja U: G. Zammit, R. Soares, F. Pankatican, Y. Ito, G. Mensah, R. Kisil, H. Vella, N. Tabone, J. Dibola, J. Grioli, I. Dudarev
Sirens: S. Mintoff, I. Borg, R. Tachikawa, A. Effiong, D. Albanese, A. Borg, J. Walker, J. Brandan, C. Lonardelli, A. Castillo, K. Reid
Referee: Emmanuel Grech
Assistenti Referees: D. Sultana, V, Vasilev
Gowl kmieni fit-tieni taqsima tal-akkwist il-ġdid mingħand Żejtun Corinthians Kemar Reid kien biżejjed biex Sirens kisbu l-ewwel rebħa tal-istaġun b’rebħa minima ta’ 1-0 kontra Gudja United.
Sirens ħarġu mal-ewwel fuq l-offensiva u wara tliet minuti, kien pass tajjeb ta’ Diego Albanese li sab lil Kemar Reid iżda minn pożizzjoni komda naqas milli jixħet fil-lasta. Mal-kwarta logħob l-ewwel azzjoni perikoluża ta’ Gudja United meta minn freekick ta’ Pankatica, kien Rodolfo Soares li sab lil Kisil li minn quddiem il-goalkeeper ta’ Sirens xeħet għoli.
Glenn Zammit kien strumentali għal Gudja fit-38 minuta meta minn azzjoni bejn Effiong u Reid kien il-goalkeeper ta’ Gudja li salva b’mod tajjeb, bil-ballun jispiċċa f’saqajn Rei Tachikawa li ra l-konjlużjoni tiegħu tgħaddi barra.
L-azzjoni deċiżiva waslet fil-50 minuta meta l-eks player ta’ Lija Brandan, għadda lejn Reid li wara li dar mad-difensur ta’ Gudja, kkonkluda b’xutt fil-baxx li għeleb lil Zammit. Gudja naqsu milli jwettqu reazzjoni bl-unika konklużjoni tasal fit-82 minuta meta minn pass ta’ Leighton Grech, kien Abdul Abdee li ra d-daqqa ta’ ras tiegħu tgħaddi għoli.
