Floriana……………………2
Santa Lucia……………….2
Floriana: A. Vella, A. Magri Overend, O. Rutjens, O. El Hasni, Z. Cassar, A. Caseres, K. Keqi, J. Arias, N. Garcia, D. Paiber, R. Camenzuli
Santa Lucia: K. Archibald, A. Prates, J. Pisani, N. Pulis, P. Silva, V. Plut, A. Da Silva, E. Rodrigues, J. Tanti, L. Filho, K. Xuereb
Referee: Slobodan Petrovic
Assitenti referees: A. Camilleri, C. Francalanza
Floriana u Santa Lucia ħadu punt kull wieħed f’partita li offriet erba’ gowls. Bidu tajjeb minn Santa Lucia li wara 21 minuta fetħu l-iskor meta minn pass tajjeb ta’ Vito Plut, kien Francisco Farias li kkonklda b’xutt b’saħħtu fir-rokna tax-xibka. Ftit minuti wara Floriana viċin li jġibu l-iskor indaqs iżda l-konklużjoni ta’ Adam Magri Overend kienet salvata minn Archibald.
Fil-35 minuta, freekick ta’ Ulises Arias għadda ftit barra. Fl-40 minuta, Alan da Silva għadda lejn Kieran Xuereb li kkonkluda għoli minn tarf il-kaxxa. Floriana ġabu l-iskor indaqs fil-51 minuta meta Andres Prates waqqa’ lil Augusto Caseres fil-kaxxa bir-referee jordna penalty. Minn ħdax-il metru, Kristian Keqi ma żbaljax għal 1-1.
Ftit minuti wara, Santa Lucia għal darb’oħra fil-vantaġġ meta minn pass ieħor ta’ Plut kien għal darb’oħra Faria li b’konklużjoni mill-isbaħ għeleb lil Vella għal 2-1. Floriana ġabu d-draw fis-77 minuta, meta minn cross ta’ Ryan Camenzuli kien Daniel Agius li b’daqqa ta’ ras tajba għamel l-iskor finali 2-2.
