Fi tmiem il-ġimgħa li għaddiet fis-Southern Shooting Club inżamm l-MSSF Santa Marija Grand Prix li ntrebaħ minn Emmanuel Bugeja. James Galea Jr. temm fit-tieni post filwaqt li George Mifsud temm fit-tielet pożizzjoni.
Din il-kompetizzjoni ttellgħet fuq jumejn, b’75 plattina s-Sibt u 50 plattina u l-Finali, l-għada l-Ħadd.
Is-sitt Finalisti skond il-Bib number u l-kwalifikazzjoni tagħhom kienu: Emmanuel Bugeja b’total ta’ 121/125; James Galea Jr. 117/125 +9 shoot off; George Mifsud 117/125 +8 shoot off; William Chetcuti 114/125; Brian Galea 112/125; u Mario Buhagiar 111/125.
Ir-riżultati finali kienu: Emmanuel Bugeja 43/50, James Galea 41/50, George Mifsud 30/40, Mario Buhagiar 26/35, William Chetcuti 23/30, Brian Galea 19/25.
