Fi tmiem l-Udjenza Ġenerali li nżammet dalgħodu, żagħżugħ li kien preżenti kellu l-opportunità jilgħab logħba table soccer mal-Papa Franġisku.
Il-logħba, magħrufa sew maż-żgħażagħ fost l-oħrajn iddaħħlet fl-Aula Paolo VI speċifikament biex il-Kap tal-Knisja Kattolika jkun mistieden jilgħab maż-żagħżugħ.
Il-mejda użata għal din l-okkażjoni nħolqot għal tal-apposta minn għaqda minn Toscana b’tali mod li tista’ tintlagħab anke minn persuni li jkunu fuq siġġu tar-roti.
Il-logħba ‘bejn il-ħbieb’ ġibdet l-attenzjoni tal-media preżenti tant li r-ritratti daru d-dinja kollha, bil-Papa Franġisku jidher jieħu gost u ma ħasibhiex darbtejn jaċċetta din l-istedina għal laqgħa differenti minn tas-soltu.
