Sirens………………………..1
Mosta…………………………1
Sirens: S. Mintoff, R. Tachikawa, A. Effiong, A. Borg, J. Walker, F. Brandan, C. Zammit Lonardelli (B. Gavrila 79’), K. Jackson,C. Castillo Riascos, K. Reid
Mosta: C. Mafoumbi, D. Debono, C. Failla, J. Nsumoh (Z. Brincat 37’), J. Bezzina, O. Edhere, T. Farrugia, I. Doric, L. Riascos (G. Sciberras 46’), I. Igbineweka (C. Ememe 63’), J. Ekani.
Referee: Darryl Agius
Assistant Referees: Roberto Vella, Mark Ciantar
Raba’ Uffiċjal: Emanuel Grech
Karti Sofor: K. Jackson, R. Tachikawa, F. Brandan (S); L. Riascos, O. Edhere, J. Bezzina, J. Ekani (M)
BOV Player tal-partita: Rei Tachikawa (Sirens)
Sirens u Mosta ħadu punt kull wieħed fi draw ta’ 1-1 fit-Tony Bezzina Stadium. Dan kien it-tieni riżultat pożittiv għal Sirens hekk kif fl-ewwel partita għelbu lil Gudja. Minn naħa l-oħra, Mosta kisbu l-ewwel punt dan l-istaġun wara li fl-ewwel partita kienu megħluba minn Bikirkara.
Wara li l-ewwel taqsima ntemmet mingħajr gowls bi ftit azzjonijiet perikolużi, kienu Mosta li marru fil-vantaġġ mas-siegħa logħob hekk kif wara li daħal fil-kaxxa, Johann Bezzina kkonkluda bix-xutt tiegħu jkun devjat, bil-ballun jispiċċa għand Zachary Brincat li kkonkluda għal wara Mintoff.
Ħames minuti wara u Sirens ġabu l-iskor indaqs meta għat-tieni partita konsekuttiva kien l-eks attakkant ta’ Żejtun Corinthians Kemar Reid li kkonkluda wara li rċieva minn fuq ix-xellug. Fis-70 minuta Brandan kien sfortunat meta l-konklużjoni tiegħu ħabtet mal-mimduda biex erba’ minuti wara l-konklużjoni ta’ Reid kienet salvata b’mod spettakolari minn Mafoumbi.
