Illejla fil-pixxina nazzjonali tintlagħab l-aħħar partita tal-Kampjonat Premier bejn Neptunes u San Ġiljan, f’dik li hija l-partita deċiżiva għar-rebħ tal-kampjonat. Kif kien previst iż-żewġ timijiet kellhom staġun mill-aqwa hekk kif irnexxielhom jiddominaw dan il-kampjonat.
Neptunes kienu f’fażi mill-aqwa fil-fażi preliminari u anke fit-tieni fażi. Minn naħa l-oħra, San Ġiljan kienu l-aktar tim li kien viċin Neptunes matul l-istaġun, bl-unika telfa għall-Ġiljaniżi tasal kontra l-istess Neptunes.
Intant illejla wkoll tintlagħab il-partita bejn Sirens Mecca Marine u Exiles kif ukoll dik bejn Valletta Izibet u M’Skala Fish N Fish.
