Suċċess għall-atleta Malti, Dillion Cassar fin-nofs maratona ta’ Berlin li saret illum, il-Ħaddfilgħodu, u li kellha l-parteċipazzjoni ta’ eluf ta’ atleti minn madwar id-dinja kollha. Cassar, li jtellaq għan-nom ta’ Mellieħa Atletic Club, temm fl-20 post tal-klassifika finali, ta’ kompetizzjoni li għandha tul ta’ madwar 21KM.
Cassar irkupra diversi posizzjonijiet fl-aħħar ħames kilometri ta’ din il-maratona biex daħal fl-20 post, u kiser ir-rekord nazzjonali Malti f’ħin ta’ siegħa, sitt minuti u 45 sekonda.
Dillio Cassar, ta’ Mellieħa Athletic Club, temm fl-20 post fin-nofs maratona ta’ Berlin, u li kellha l-parteċipazzjoni ta’ eluf ta’ atleti minn madwar id-dinja kollha.
Il-kompetizzjoni tal-Irġiel kienet mirbuħa mill-Kenjan Felic Kipkoech li temm din in-nofs maratona, f’ħin ta’ 58 minuta u 57 sekonda. Interessanti l-fatt li fl-ewwel sitt postijiet ta’ din in-nofs il-maratona, li jkollha l-parteċipazzjoni ta’ uħud mill-aqwa atleti fid-dinja, temmew atleti irġiel li huma kollha mill-Kenja.
Cassar daħal ftit inqas minn tmien minuti wara r-rebbieħ, Kipkoech, f’dik li kienet prestazzjoni mill-aqwa għall-Malti li waqaf rekord nazzjonali ġdid f’Berlin.
Fil-Ġermanja, Cassar kien akkumpanjat mill-kowċ tiegħu, Rodney Cassar, li jiġi missieru.
