Raġel ta’ 42 sena qed isofri minn ġrieħi gravi inċident tat-traffiku fi Triq San Pawl il-Baħar, San Pawl il-Baħar.
L-inċident seħħ għall-ħabta tas-07:30 xħin il-pulizija ġiet infurmata li kien għadu kemm seħħ incident tat-traffiku.
Il-Pulizija marret immedjatament fuq il-post u minn stħarriġ preliminari rriżulta li żewġ muturi, tal-għamla Kawasaki laqtu lil xulxin bil-konsegwenza li wieħed minnhom waqa’. Wieħed mis-sewwieqa, raġel 42 sena residenti n-Naxxar sofra ġrieħi gravi, filwaqt li l-ieħor li għandu 61 sena u residenti l-Imsida ma weġġax.
Il-vittma ngħata l-għajnuna minn tim mediku fuq il-post u ttieħed l-Isptar Mater Dei b’ambulanza għal aktar kura.
L-investigazzjonijiet tal-Pulizija għadhom għaddejjin
