It-Tlieta filgħodu tħabbret il-mewt tal-istilla tad-darts Awstraljan Kyle Anderson li miet fl-età ta’ 33 sena. Anderson kien wieħed minn tmien players tad-darts li rnexxielu jagħmel ‘nine-dart finish’ fil-PDC World Championship.
Anderson sar player tad-darts professjonali fl-2014 u kien rnexxielu jasal sa mal-aħħar 32 fl-Alexandra Palace f’erba’ okkażjonijiet. Hu rebaħ l-ewwel titlu tiegħu fil-Players Championship fl-2017 u ġimgħa wara kien rebaħ l-Auckland Darts Masters.
Dawk li sellmu l-memorja ta’ Anderson qalu li dak li rnexxielu jikseb hu f’karriera daqstant qasira huwa wieħed impressjonanti, b’mod speċjali l-Auckland Darts Masters.
