Il-Majjistru Ġenerali tal-Ordni Dumnikan inawgura ufficjalment il-bini tal-Kindergarten il-gdid tal-kulleġġ San Albert il-Kbir, li huwa mmexxi mid-Dumnikani stess fil-Fgura.
Dan il-Kindergarten kien infetah is-sena l-oħra, iżda il-bini tlesta kompletament matul l-aħħar ġimgħat.
Minn Ottubru li ġej, dan il-bini l-ġdid ser ikun qed jilqa’ lit-tfal tal-Kindergarten fil-klassijiet il-ġodda.
Il-kindergarten huwa maqsum f’erbgħa klassijiet; żewġ klassijiet għat-tfal tal-kinder 1 u żewġ klassijiet għat-tfal tal-kinder 2.
Preżenti għal dan il-ftuħ kien hemm il-Provinċjal tal-Kulleġġ Patri Vince Micallef, ir-rettur Patri Aaron Zahra, id-delegat tal-Arċisqof għall-iskejjel tal-knisja Fr Charles Mallia, s-Surmast tal-Kulleġġ Mario Mallia, assistenti kapijiet kif ukoll xi għalliema.
