Team Malta ħa sehem fiċ-ċerimonja tal-ftuħ tal-paraolimpjadi hekk kif din iċ-ċerimonja saret fl-Olympic Stadium f’Tokjo.
Il-kontinġent Malti ħa sehem permezz tal-atleti Thomas Borg li żamm il-bandiera Maltij u Vladyslava Kravchenko. Borg se jkun qed jieħdu sehem fl-avvenimenti tal-paratletika, f’dik tal-100 metru u l-400 metru. Fl-aħħar xhur, Borg wettaq ħin ta’ 12.4 sekonda li huwa biss 0.8 sekonda anqas mill-minimu biex tikkompeti fil-Paraolimpjadi. Aktar tard Borg wettaq ħin ta’ 12.16 sekonda fil-Kampjonati Nazzjonali tal-Atletika.
Kravchenko se tkun qed tieħu sehem fil-kompetizzjonijiet tal-Għawm Paralimpiku u rnexxielha tikseb il-kwalifikazzjoni b’ B standard aktar kmieni din is-sena. L-atleta Antonio Flores ukoll kien se jirrpareżenta lil Malta fil-Paraolimpjadi iżda kellu jirtira wara li sofra injury.
