Tard it-Tlieta filgħaxija, Real Madrid għamlu offerta ta’ £137 miljun għall-attakkant ta’ PSG Kylian Mbappe.
Il-kuntratt tal-attakkant ta’ 22 sena jiġi fi tmiemu s-sena d-dieħla u jidher li l-player mhuwiex lest li jġedded il-kuntratt tiegħu. Mbappe ma’ PSG skorja 133 gowl u ta 63 assist f’174 partita fejn għen lit-tim minn Pariġi jirbaħ 11-il unur.
Bosta rapporti qed jindikaw li jekk Mbappe jħalli lil PSG, dan ikun ifisser li l-klabb Franċiż jitfa’ ħarstu fuq l-attakkant Portugiż Cristiano Ronaldo li jidher li huwa lest li jħalli lil Juventus. Dan is-sajf PSG diġa wettqu numru ta’ akkwisti importanti, fosthom l-attakkant Arġentin Lionel Messi, Sergio Ramos u Gigio Donnarumma.
