L-attakkant internazzjonali Ingliż Harry Kane kkonferma li se jibqa’ ma’ Tottenham dan l-istaġun minkejja l-interess qawwi ta’ Manchester City. F’messaġġ fuq twitter, Kane qal li l-appoġġ li wrewh il-partitarji ta’ Tottenham fil-partita tal-Ħadd u anke l-messaġġ li bagħtulu fuq il-midja soċjali huwa wieħed kbir u dan kien parti mid-deċiżjoni tiegħu li jibqgħu mal-klabb.
