Slimiż ta’ 60 sena sofra ġrieħi gravi f’inċident li seħħ dalgħodu f’San Gwann.
L-inċident seħħ għall-ħabta tad-8.45am, bil-Pulizija tiġi infurmata li kien hemm bżonn l-assistenza tagħha fi Triq San Pawl, San Ġwann.
Minn stħarriġ preliminari li sar irriżulta li r-raġel ta’ 60 sena residenti Tas-Sliema safa’ milqut
minn karozza ta’ tip Toyota Vitz misjuqa minn mara ta’ 29 sena li tgħix San Ġwann.
Ir-raġel ingħata l-assistenza minn tim mediku u ttieħed immedjatament l-isptar b’ambulanza fejn ġie ċċertifikat li sofra
ġrieħi gravi.
L-investigazzjonijiet tal-Pulizija għadhom għaddejjin.
