Il-finali tal-waterpolo tan-knock-out se jkunu qed jintlagħbu bil-biben magħluqa hekk kif se jkunu jistgħu jitħallew jidħlu biss 300 ruħ. L-ASA spjegat kif 144 post se jkun riservat għall-membri tal-klabbs u l-istaff tekniku u b’hekk mhux se jkun possibli li jinqasmu l-postitjiet bejn is-sitt timijiet li se jikkompetu fil-finali tan-knock-out.
Fil-finali tan-knock-out tan-nisa Sirens Mecca Marine jilagħbu kontra Sliema Arkaida, fil-finali tal-Ewwel Diviżjoni, Exiles jilagħbu kontra Sirens Mecca Marine filwaqt li fil-finali tal-Kampjonat Premier San Ġiljan Mercury Towers jilagħbu kontra Neptunes.
