Real Madrid akkwistaw lill-midfielder ta’ Rennes Eduardo Camavinga fejn se jkun qed jilgħab għas-sitt staġuni li ġejjin. Il-midfielder ta’ 18-il sena jinsab fl-aħħar sena tal-kuntratt tiegħu b’Rennes ma jirriskjawx li jitilfu lill-player b’xejn.
Camavinga huwa l-iżgħar player li qatt ddebutta ma’ Rennes hekk kif ddebutta fl-età ta’ 16-il sena. Hu rnexxielu jilgħab 60 darba mal-klabb Franċiż f’żewġ staġuni. Camavinga huwa wkoll l-iżgħar player li ddebutta mat-tim nazzjonali Franċiż sa mill-1914 hekk kif lagħab kontra l-Kroazja f’partita minn Nations League u xahar wara skorja f’rebħa ta’ 7-1 li Franza kisbet fuq l-Ukrajna.
