Raġel ta’ 47 sena residenti San Pawl il-Baħar qed isofri ġrieħi gravi wara li safa milqut minn karozza tat-tip Nissan March li kienet qed tinstaq minn raġel ta’ 49 sena li jgħix Ħaż-Żabbar.
L-inċident seħħ dalgħodu fid-09:20 fi Triq Bugħarbiel fiż-Żejtun.
Ir-raġel ingħata l-assistenza minn tim mediku u ttieħed l-Isptar Mater Dei b’ambulanza. Aktar tard ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.
