Josette Schembri Vella tinsab quddiem il-Maġistrat Claire Stafrace Zammit b’akkużi fiskali fosthom ta’ ħasil ta’ flus.
L-akkużi jkopru perjodu bejn l-2008 u l-2020.
Id-difiża ta’ Schembri. li hija mart l-eks Chief of Staff f’Kastilja Keith Schembri qed topponi b’saħħa l-akkużi li bihom tinsab akkużata l-klijenta tagħhom.
Josette Schembri ddaħħlet fl-awla u wieġeb mhux ħatja għall-akkużi li tressqet bihom. Schembri tidher kalma u ma lissnitx kelma oħra wara li wieġbet mhux ħatja.
13:34 Id-difiża u l-prosekuzzjoni qed jargumentaw fil-Qorti dwar l-akkużi ta’ Schembri.
13:38 il-Maġistrat qed tistaqsi lill-prosekuzzjoni jekk hux se tkun tista’ tipprovdi valur li jikkwantifika l-ħasil ta’ flus li huwa allegat li seħħ.
13:40 -Qed jintqal li l-attachment order li kien hemm fuq Josette Schembri kien jiskadi llum u l-prosekuzzjoni qed titlob l-iffirżar tal-assi tas-sinjura Schembri.
13:41 Id-difiża rrimarkat li “biex nidhru sbieħ f’dal-pajjiż ħlief kawżi fuq ħasil ta’ flus mhux qed isiru”.
13:43 Id-difiża qed tallega abbuz ta’ poter f’dan il-każ.
13:47 L-akkużi huma marbuta ma’ kumpanija bl-isem 3 City Designs.
13:48 Id-difiża qed titlob lis-Supretendent Frank Anthony Tabone sabiex jagħti aktar informazzjoni dwar it-talba għall-ordni ta’ ffriżar tal-assi
13:49 Is-Supretendent jitla’ fuq il-pedana tax-xhieda u mitlub jgħid kemm huma l-ammonti li huma involuti f’dawn l-akkużi. Is-Supretendent wieġeb li kien hemm tranżazzjonijiet bejn il-kumpanija Kasco u 3 City Designs u viċi versa.
13:52 Tintalab tixhed ukoll l-Ispettur Leanne Bonello. Hija twieġeb li l-ammont approssimattiv huwa ta’ miljun u nofs ewro. Iżda d-difiża takkuża lix-xhud li mhux qed tgħid il-verità.
13:53 Id-difiża titlob li l-valur jitniżżel ħalli jekk ‘il quddiem il-valur jinbidel, l-Ispttur Bonello ġġor fuqha r-responsabbiltà ta’ dak li qalet.
13:54 Id-difiża titlob li l-Qorti tieħu nota ta’ dan il-valur.
13:55 Il-Qorti laqgħet it-talba għall-iffriżar tal-assi ta’ 3 City Design Ltd u mhux tal-assi personali ta’ Josette Schembri.
13:56 Il-Prosekuzzjoni qed titlob kundizzjonijiet strinġenti ħafna biex il-biżgħat li Schembri taħrab minn pajjiżna jiġu indirizzati. Dan fid-dawl li kien hemm investigazzjonijiet estensivi fuq dan il-każ. Madankollu ma toġġezzjonax għall-ħelsien mill-arrest.
14:00 Id-difiża tagħmel appell imqanqal lill-Qorti biex tkun ħanina ma’ Schembri issa li qed trabbi żewġt itfal waħedha u li għandha fuqha l-piż tat-tmexxija tal-kumpaniji.
14:03 Wara li qieset it-talbiet kemm tad-difiża kif ukoll dik tal-prosekuzzjoni, il-Qorti tgħid li Schembri trid tħallas €10,000 flimkien ma’ depożitu ta’ €40,000, trid tiffirma erba’ darbiet fil-ġimgħa fl-għassa tal-Qawra u trid tidħol id-dar sa nofsillejl u ma toħroġx qabel is-6.30am.
Schembri ma tistax issiefer jekk mhux bil-permess tal-Qorti
Wara jiem ta’ investigazzjonijiet intensivi mill-Iskwadra ta’ Kontra l-Ħasil tal-Flus fi ħdan id-Dipartiment tal-Investigazzjonijiet tar-Reati Finanzjarji, illum ħarġu l-akkuzi fil-konfront ta’ kumpanija u l-mara ta’ l-eks Chief of Staff f’Kastilja Keith Schembri
Josette Schembri tressqet il-Qorti taħt arrest għal ħabta tas-1:30pm quddiem il-Magistrat tal-Ghassa Claire Stafrace Zammit u ġiet akkużata b’reati ta’ ħasil ta’ flus, fost oħrajn. Hi qed twieġeb mhux ħatja, bid-difiża tgħid li l-akkużi mhumiex reali.
Il-prosekuzzjoni f’dan il-kaz qed titmexxa mill-avukati Antoine Agius Bonnici u Andrea Zammit mil-Uffiċċju tal-Avukat Generali, assistiti mil-Ispettur Lianne Bonello u mil-Ispettur Ian Camilleri.
