Wara talba minn Net News sabiex il-Pulizija tikkjarifika l-fatti marbuta ma’ artiklu ta’ talk.mt, email mill-Uffiċju Komunikazzjoni tal-Korp ikkonfermatilna li l-Pulizija ma ħarġet l-ebda stqarrija li Anthony Borg kien jinsab imfittex.
Dan wara li ftit tal-jiem ilu, is-sit tal-GWU ppubblika artiklu li fih qal li l-eks ħabsi reġa’ jinsab imfittex mill-Pulizija.
Minkejja talba għal dritt ta’ tweġiba mill-avukat tal-istess Borg lil talk.mt, is-sit baqa’ jinsisti li huma għandhom informazzjoni li Borg huwa mfittex.
Madankollu issa l-Pulizija xejnet din id-dikjarazzjoni billi caħdet magħna li Borg huwa mfittex.
Anthony Borg kien ta intervisti lil Net News u lit-Times of Malta li fihom espona realtajiet xokkanti fil-Faċilità Korrettiva ta’ Kordin taħt it-tmexxija ta’ Alex Dalli.
//= $special ?>