Oleksandr Usyk huwa l-unified heavywieght champion il-ġdid hekk kif fi ġlieda fit-Tottenham Hotspur Stadium għeleb lil Anthony Joshua wara 12-il round. Usyk deher dominanti tul il-ġlieda kollha fejn rnexxielu jweġġgħa lil Joshua numru ta’ drabi.
Il-boxer Ukren kiseb il-maġġoranza tal-punti mill-ġurija fejn ir-riżultati kienu 117-112, 116-112, 115-113 b’Usyk jagħti t-tieni telfa tal-karriera lil Anthony Joshua. Wara li t-tentattiv li jiġġieled kontra Tyson Fury kien falla, Joshua għażel li jiġġieled kontra Usyk f’dik li dehret li setgħet kienet bħala ġlieda faċli għal Joshua. F’kummenti fuq il-midja soċjali fi tmiem il-ġlieda, Joshua qal li se jibqa’ pożittiv minkejja din it-tlefa filwaqt li rringrazzja lil dawk kollha li attendew.
