Ritratti preżentati fil-Qorti kkonfermaw li l-poplu qed joħroġ il-miljuni għal xejn b’rabta mal-kuntratt tat-tliet sptarijiet li ngħataw lill-Vitals. Konferma li l-kuntratt ta’ eluf ta’ miljuni ta’ ewro mhuwa xejn għar serq ta’ flus il-poplu Malti. Dan ħareġ meta ttellgħu l-provi forma ta’ ritratti biex taparsi juru fejn intefqu l-flus u mir-ritratti ħareġ li prattikament ma sar xejn.
Meta kompliet il-kawża li fetaħ id-deputat Nazzjonalista Adrian Delia kontra l-Vitals dak li ġie preżentat fil-Qorti jhuwa wieħed xokkanti b’ħafna mix-xogħol li kellu jsir għadu lanqas biss beda. Adrian Delia permezz ta’ post fuq Facebook fejn qal “illum ġabu l-provi huma stess li jikkonfermaw li huma ħallelin – dawn huma l-provi tagħhom stess li jitkellmu waħidhom.
Delia f’kumment li għadda lill-Prim Ministru Robert Abela, lill-Viċi Prim Ministru Chris Fearne u lill-Minisgtru tal-Finanzi Clyde Caruana, qal – “Mhemmx bżonn aktar inkjesti, u lanqas rapporti ta’ esperti urġenti, waqqaf il-kuntratt issa u ara kif se ġġib lura il-flus li ħarġu minn bwiet in-nies.
Fost ir-ritratti ta’ dak li suppost sar jikkonfermat li bejn il-kliem u l-fatt hemm baħar x’jikkumbatti. Fosthom ta’ ġnien li kellu jsir fl-isptar San Luqa (ritratt), li jiġi taħt Karen Grech. Abbandunnat kien u l-istess għadu. It-‘traffic management’ ta’ San Luqa fejn suppost kellhom isiru sinjali u servzzi, u baqa’ ma sar xejn.
Proġett ieħor li baqa’ fuq l-ixkaffa kien l-espansjoni tad-‘day care unit’ fejn suppost kellhom iżidu 16-il sodda u l-istess ma sar xejn. Il-friġġ tal-kamra mortwarja, xejn, kif ukoll ir-rinovazzjoni tal-‘control room; u tat-‘telephone operators’ fl-isptar Ġenerali ta’ Ghawdex.
Fl-aħħar seduta li kienet saret f’Ġunju kien irriżulta li ħafna mix-xogħol jew ma sarx jew taparsi beda. Kien ħareġ lima sar l-ebda progress f’xogħlijiet infrastrutturali fi tliet sptarijiet privatizzati mill-2017, b’xi permessi ta ’żvilupp issa skadew u oħrajn waslu biex jiskadu.
Dokumentazzjoni dwar applikazzjonijiet għal xogħlijiet maġġuri fl-isptarijiet San Luqa, Karin Grech u Għawdex kienu ġew ippreżentata fil-każ li sar mill-eks Kap tal-PN Adrian Delia, li qed jisfida l-ftehim kontroversjali ta ’privatizzazzjoni tal-2015.
Delia qed jargumenta li l-konċessjonarju oriġinali, Vitals Global Healthcare, u s-suċċessur tiegħu Steward Healthcare naqsu milli jissodisfaw l-obbligi kuntrattwali ta’ dak il-ftehim u billi nstabu tragwardi importanti, l-isptarijiet kellhom“ jingħataw lura lill-poplu. ”
Rappreżentant tal-Awtorità tal-Ippjanar kien ippreżenta dokumentazzjoni addizzjonali, inklużi avviżi tal-bidu li, ġie spjegat, li dawn ma kinux ifissru li x-xogħlijiet kienu fil-fatt bdew. Minkejja li kienu nħarġu permessi għal xogħlijiet ta’ tħaffir, ma sar l-ebda tħaffir ħlief“ fl-isptar ta ’Għawdex” u l-ebda xogħol ta’ bini.
L-Avukat Edward Debono li qed jidher għal Adrian kien għandu jkun hemm spezzjoni tliet sptarijiet. Il-każ issa għandu jkompli nhar it-Tlieta 16 ta’ Novembru għall-provi minn naħa tal-Malta Industrial Parks, l-eks Prim Ministru Joseph Muscat li kontrih qed issir il-kawża u Steward.
