Numru ta’ żgħażagħ ipparteċipaw waqt il-Parlament Nazzjonali taż-Żagħżagħ tal-KNŻ fejn esprimew tagħhom fuq temi kurrenti u jipproponu r-rakkomandazzjonijiet taghhom.
Is-suġġetti diskussi matul is-sessjoni kienu:
- il-Kaċċa Sostenibbli u d-Drittijiet tal-Annimaliż;
- l-Spazji Pubbliċi għall-Użu Rikreattiv;
- riforma Parlamentari mill-Elezzjoni sal-Leġislatura;
- l-Agrikoltura u Sigurtà tal-Ikel, u;
- knisja u Stat: Għandu jkun hemm Reliġjon Statali?
Is-Segretarju Ġenerali Kristina Filletti tkellmet dwar il-valur tal-Parlament Nazzjonali taż-Żgħażagħ, kemm għall-Kunsill, kif ukoll għaż-żgħażagħ Maltin u Għawdxin, filwaqt li Martina Grech, Direttur għad-Diskors Politiku tkellmet dwar l-impatt li għandu avveniment bħal dan fuq il-progress li jista’ jagħmel pajjiż. Ġabet eżempji bħal Vot 16 u d-Dikjarazzjoni ta’ Stat Nazzjonali ta’ Emerġenza fil-Klima.
Id-dibattiti saru fil-preżenza ta’ diversi Membri Parlamentari, inkluż il-Kap tal-Oppożizzjoni Bernard Grech. L-avveniment sar fiżikament, skont ir-regolamenti tas-saħħa.
