Mument emozzjonali għall-kantawtur Philip Vella hekk kif fl-aħħar ġranet kellu l-opportunità li jiltaqa’ mal-Papa Franġisku u jippreżentalu CD tal-kanzunetta ‘Rajt Raġel’, li hija ddedikata proprju għall-Papa nnifsu.
L-udjenza mal-Papa Franġisku saret l-Erbgħa 22 ta’ Settembru, iżda l-istorja tal-kanzunetta ‘Rajt Raġel’, b’kitba ta’ Evarist Bartolo, tmur lura għal April tas-sena 2020 fil-bidu tal-pandemija.
Fil-fatt, xena li tibqa’ fil-moħħ ta’ ħafna hija dik tal-Papa tiela waħdu f’nofs Pjazza ta’ San Pietru lejn il-Bażilika tal-Vatikan – xena li Philip Vella nnifsu tkellem dwarha f’intervista li kellu ma’ Rome Reports.
Il-kliem tal-kanzunetta kienu nqalbu bil-Malti mill- poeżija ‘Ho Visto Un Uomo’ ta’ Giuseppe Messe. Philip Vella kkompona l-mużika, filwaqt li ibnu Sean ħa ħsieb l-arranġament mużikali.
