It-tennista Ġappuniża Naomi Osaka m’għadhiex mal-aqwa għaxra fid-dinja għall-ewwel darba sa mill-2018 meta dakinhar rebħet l-Open tal-Istati Uniti. Osaka li tinsab fit-12-il post preżentament kellha tirtira mill-Open ta’ Franza u minn ta’ Wimbledon aktar kmieni din is-sena sabiex tiffoka fuq is-saħħa mentali.
Osaka li għandha 23 sena kienet ukoll eliminata mill-Open tal-Istati Uniti minn Leylah Fernandez li tilfet il-finali kontra Emma Raducanu. Osaka li matul il-karriera tagħha rebħet erba’ Grand Slams qalet li se tkun qed tirritorna fil-court mill-aktar fis.
