Żagħżugħ mill-Gambja ta’ 22 sena kien arrestat wara li l-Pulizija tal-Komunità tal-Marsa kienet għaddejja fuq ronda fi Triq Pitkali, il-Marsa nnutaw 4 persuni jitkellmu fuq taraġ u malli lemħuhom wieħed minnhom ipponta jlebbet ‘l hemm minn fuq il-post.
Madanakollu l-uffiċjali waqfu liż-żagħżugħ u wara li saritlu tfittxija instab li fil-pussess tiegħu kellu mas-16-il pakkett b’sustanza suspettata droga sintetika.
Huwa qed jinżamm fil-lock-up tad-Depot tal-Pulizija u mistenni jitressaq il-Qorti t-Tlieta filgħodu quddiem il-Maġistrat tal-Għassa Lara Lanfranco.
