Il-bowlers Sue Abela u Paul Gray kienu kkonfermati bħala champions tat-Ten Pin Bowling hekk kif saru l-Kampjonati Nazzjonali għall-bowlers li għandhom 50 sena jew aktar.
Din kienet it-tieni sena konsekuttiva li ż-żewġ bowlers irnexxielhom jirbħu dan it-titlu. Kif kien mistenni Abela ddominat l-kategorija tan-nisa hekk kif irnexxielha ttemm 500 pin fuq Liliana Spiteri li temmet fit-tieni post.
Fil-kategorija tal-irġiel kif kien ukoll mistenni, Kenneth Arpa rebaħ l-ewwel ġurnata iżda fit-tieni ġurnata kien Paul Gray li rnexxielu jitla’ fl-ewwel post. Hu baqa’ jokkupa dan il-post anke fl-aħħar ġurnata biex b’hekk rebaħ il-kategorija tal-irġiel.
