Il-boxer heavywieght Ingliż Tyson Fury qal li b’dak li rnexxielu jikseb matul il-karriera tiegħu diġa jagħmlu wieħed mill-aqwa boxers ta’ kull żmien u qal li dan ikompli jagħtih il-motivazzjoni sabiex ikompli jiġġieled.
Fi tmiem il-ġimgħa Fury se jkun qed jiddfendi t-tiltu WBC kontra l-Amerikan Deontay Wilder f’Las Vegas. Din se tkun it-tielet ġlieda bejniethom it-tnejn fejn l-ewwel ġlieda fl-2018 ntemmet fi draw filwaqt li Fury rebaħ it-tieni ġlieda fl-2020. Ir-rebbieħ ta’ din il-ġlieda jista’ jieħu miegħu sa massimu ta’ £200 miljun.
