Meta wasal fid-Dipartiment tal-Emerġenza fl-10.54pm, fil-jum li qala’ daqqiet ta’ sikkina Hugo Chetcuti kien għadu qed jitkellem b’mod koerenti iżda kien imweġġa’ serjament u kien jinsab fi stat ta’ xokk. It-Tabib Konsulent tal-Emerġenza Jonathan Joslin xehed dwar l-inċident wara li spjega l-protokolli adottati mill-Isptar Mater Dei dwar inċidenti serji.
Dan ħareġ meta quddiem l-Imħallef Aaron Bugeja kompla l-ġuri tas-Serb Bojan Cmelik ta’ 38 sena, mixli bil-qtil tal-imprenditur Hugo Chetcuti ta’ 52 sena, f’Lulju tal-2018. Għadd ta’ tobba kienu mgħajjta biex jixhdu llum fejn spjegaw dak kollu li ppruvaw jagħmlu biex isalvaw lil Chetcuti.
It-tabib Joslin qal li l-każ ta’ Chetcuti ngħata l-ogħla prijorità minħabba s-serjetà tal-ġrieħi. Fis-6 ta’ Lulju 2018, Joslin kien mar fuq il-post meta ġie infurmat dwar daqqiet ta’ sikkina f’Paceville fl-10.43pm. Waqt li kien qed isuq lejn Paceville, t-tabib Joslin ġie infurmat li l-vittma ttieħed l-Isptar Mater Dei f’vettura privata u huwa dawwar it-rotta lejn id-Dipartiment tal-Emerġenza.
Bħala parti minn sejħa trawmatika, tim speċjali li jinkludi dik ta’ risuxxitazzjoni tkun diġà fid-Dipartiment tal-Emerġenza jistenna li tilqa’ lill-pazjent, qal Dr Joslin, u żied li Chetcuti kien diġà ġie evalwat meta wasal. “Ir-raġel kien qed jitkellem, ir-raġel kien anzjuż, ir-raġel kien qed jegħreq,” qal Dr Joslin, u żied jgħid: “kien għadu jitkellem b’mod koerenti imma kien ferut ‘serjament u kien fi stat ta’ xokk.”
Il-pazjent qala’ daqqiet ta’ sikkina u bi ġrieħi serji u pressjoni baxxa tad-demm, qal ix-xhud, u żied jgħid li t-tobba kienu qed jimbuttaw demm O Negattiv u fluwidi f’Chetcuti iżda l-pressjoni tad-demm tiegħu baqgħet baxxa. Ultrasound mgħaġġel sar biex jiċċekkja jekk hemmx demm fl-addome (taħt iż-żaqq), qal Dr Joslin.
Hekk kif beda juri ritratti tal-ġrieħi lill-ġurati, Dr Joslin spjega li ferita forma ta’ C kienet fil-kwadrant ta’ fuq tal-addome li turi li l-inċiżjoni saret jew billi tidħol billi toqros sew jew b’xi sikkina imdawra li ttaqqab il-ġisem. It-tieni ferita kienet ta’ madwar 1 ċm għalkemm Dr Joslin qal li ma kellux ħin biex ikejjilha.
Minkejja t-trasfużjoni tad-demm, il-pressjoni tad-demm ta ’Chetcuti baqgħet baxxa u t-tim iddeċieda li jieħduh fit-teatru tal-operazzjonijiet hekk kif ġie djanjostikat li jinsab f’xokk ta’ Klassi 3. Dan ifisser li kien tilef madwar 30-40% tad-demm tiegħu.
Sal-11.15pm Chetcuti kien fit-teatru tal-operazzjonijiet, Dr Joslin qal li ma kienx preżenti għall-operazzjoni iżda ġie infurmat li kien hemm ammont sinifikanti ta’ demm fl-addome. Bi tweġiba għall-mistoqsijiet tal-avukat tal-AĠ Maria Francesca Spiteri, Dr Joslin spjega l-kompożizzjoni tal-hekk imsejjaż ‘t-tim tat-trawma’.
Dr Joslin qal li minħabba s-sintomi, pressjoni tad-demm baxxa, li ken pallidu, u anzjuż, it-tim mediku kellu jimxi malajr. Huwa spjega li telf ta’ demm kellu jitwaqqaf sabiex is-sitwazzjoni tiġi kkontrollata. Madankollu, ma rnexxewx, peress li Chetcuti kellu dik il-parti taż-żaqq estiż minħabba t-telfien ta’ demm b’mod attiv, billi l-pazjent kien tilef madwar 3 litri demm.
Il-kirurgi ħadu d-deċiżjoni li jintervjenu biex iwaqqfu d-demm jintilef peress li droga użata f’każijiet bħal dawn ma kinitx qed taħdem. Chetcuti kien f’xokk emorroġiku li kien sekondarju għal żewġ daqqiet ta’ sikkina inċiżivi. Waqt il-kontro-eżami, l-Avukat Micallef Stafrace talab lix-xhud biex jiċċara min kien responsabbli biex jieħu d-deċiżjoni li ssir operazzjoni.
Il-vittma tilef madwar 60 fil-mija minn demmu
Il-pazjent kellu żewġ daqqiet ta’ sikkina fl-addome u kollox, inkluż l-pressjoni baxxa tad-demm tiegħu, u li probabbilment tilef xi 60 fil-mija minn demmu. Dr Joslin iċċara li d-daqqiet ta’ sikkina seħħew qabel l-10.43pm meta rċieva t-telefonata ta’emerġenza għal rispons, u fil-10.54pm Chetcuti ddaħħal fid-Dipartiment tal-Emerġenza, u 11.15pm kien fit-Teatru Operattiv. “Huwa kien fi stat kritiku f’dak il-mument u l-kirurgu mit-tim mediaku kien jieħu d-deċiżjoni,” temm jgħid Dr Joslin.
It-tabib tal-emerġenza Josef Mifsud kien membru ieħor tal-istaff mediku li kien xogħol dak il-ħin li ġie msejjaħ biex jixhed fil-ġuri ta’ Cmelik fuq il-qtil ta’ Chetcuti. Dr Mifsud, speċjalista b’esperjenza fil-mediċina ta’ emerġenza, kien ittratta lil Chetcuti l-ewwel mad-dħul tiegħu l-isptar.
“Kont qed nikteb noti fuq l-iskrivanija tiegħi, u kien hemm kommossjoni. Mara bdiet tgħajjat li kien hemm daqqiet ta’ sikkina. Qomt u ħadt il-magna tal-ultrasound miegħi fil-kamra tar-risuxxitazzjoni. Ir-rwol tiegħi kien li mmexxi bir-risuxxitazzjoni.
“Għandi tim miegħi u ċempilt lill-kirurgi kif ukoll wettaqt il-valutazzjoni inizjali. ” Ultrasound mgħaġġel wera demm fil-kavità addominali. “Il-polz tiegħu kien mgħaġġel, il-pressjoni tad-demm kienet baxxa, u l-ultrasound wera fluwidu ħieles fl-addome. F’dan il-każ, kien demm … Il-pazjent kien aġitat, anzjuż u dawn il-fatturi kollha jindikaw xokk tal-klassi tlieta. ”
Dr Mifsud qal li l-pazjent kien f’qagħda kritika. Ġiet amministrata trasfużjoni. L-ultrasound wera telf ta’ demm intern. “Kieku kien aktar stabbli, konna nagħmlu CT scan, imma kien f’kundizzjoni fraġli wisq u kien imut fuq l-iskenner,” qal Dr Mifsud. “Allura kien ikun miet kieku tistenna aktar?”, huwa staqsa lilu nniffsu. “Probabbilment, iva.”
Dan ġie kkonfermat mit-tielet xhud, il-kirurgu Ayman Mostafa, reġistratur anzjan fl-Isptar Mater Dei, li opera wkoll fuq Chetcuti. Mostafa qal ukoll li l-pazjent kien imut kieku sarlu CT scan minħabba li ma kienx f’kundizzjoni stabbli biżżejjed … “kien iktar sikur fil-kirurġija milli fl-iskaner tat-CT.”
Il-kirurgu qal li kien għamel ponti biex jagħlaq il-partijiet ta’ min fejn kien ħiereġ id-demm. “Fl-aħħar tal-operazzjoni, aħna niċċekkjaw il-punti u niżguraw li ma jkunx hemm iktar telf ta’ demm. Wara 10 jew 15-il minuta, id-demm kien ikkontrollat mill ponti li saruli u l-pazjent sar aktar stabbli, ” temm jgħix ix-xhud.
Xehed ukoll it-tabib Jeremy Fenech kien assista lill-kururgu Ayman Mustafa li għamel l-operazzjoni fuq Chetcuti u qal li kien qed jitlef ammont kbir ta’ demm u bdew jibżgħu li ma kien se jirnexxielhom jistabilizzawh. Fenech semma li hu kien l-ewwel assistant tal-konsulent Ayman Mustafa fl-operazzjonijiet li saru fuq Chetcuti. Fenech spjega li l-kurugu Mustafa għalaq it-toqob li kien hemm fil-musrana ż-żgħira.
Cmelik qed ikun irrappreżentat mill-avukat tal-għajnuna legali Simon Micallef Stafrace. L-avukati Joe Giglio u Mario Spiteri qed jidhru f’isem il-familja Chetcuti. L-avukati Kevin Valletta u Maria Francesca Spiteri mill-Uffiċċju tal-Avukat Ġenerali qed imexxu l-Prosekuzzjoni.
