Raġel li jinsab fuq pleġġ dwar serq, ġie meħlus minn arrest ieħor wara li reġa ‘ġie akkużat għal darba oħra fuq serq. Nico Spalding tressaq il-Qorti it-Tnejn f’jum għeluq it-23 sena tiegħu, akkużat li fit-22 ta’ Settembru wettaq serq sempliċi ta’ grinders tat-tabakk minn ħanut tar-rigali tal-Belt Valletta.
L-Ispettur Daryl Borg qal li r-raġel inqabad fuq CCTV jisraq l-oġġetti mill-ħanut. Huwa ġie akkużat ukoll li kiser il-kundizzjonijiet preċedenti tal-pleġġ u li wettaq reat waqt li kien taħt probation. L-akkużat wieġeb mhux ħati u talab il-libertà proviżorja. Huwa nħeles kontra garanzija personali ta’ €5,000 u ġie ordnat jiffirma fl-Għassa tal-Pulizija kuljum. L-Avukat Alfred Abela deher għall-akkużat. Il-Maġistrat Monica Vella ppresediet il-każ.
//= $special ?>