‘Il fuq minn 1.76 miljun persuna spiċċaw affettwati mill-aktar inċidenza serja ta’ għargħar għal snin fil-provinċja ta’ Shanxi.
Dan wara jiem ta’ xita qawwija li wasslu għall-kollas tad-djar u valangi tal-art tul aktar minn 70 belt u distrett tal-provinċja. Intant, l-inżul tax-xita kontinwu kompla jfixkel l-isforzi tal-iskwadri għall-emerġenza li fost oħrajn qegħdin ifittxu għal persuni rappurtati neqsin fost id-dulluvju.
L-elementi fl-istess ħin qed jaffettwaw l-isforzi tal-awtoritajiet biex isalvaw in-nies li spiċċaw iżolati u f’sitwazzjonijiet problematiċi minħabba l-maltemp.
Fil-provinċja ta’ Shanxi hemm ukoll numru ta’ monumenti antiki u ta’ wirt storiku imprezzabbli li jinsabu ‘taħt theddida diretta’ mill-maltemp.
Sadanittant, ‘il fuq minn 120,000 persuna spiċċaw ittrasferiti minn Shanxi u rilokati fi bnadi ta’ periklu anqas. Dan ukoll fost rapporti li ċedew talanqas 17,000 dar madwar il-provinċja partikulari.
//= $special ?>