F’inqas minn 24 siegħa ġie arrestat raġel ta’ 21 sena residenti Ħal Tarxien, b’rabta ma’ serqa li saret f’maħżen fi Triq il-Merħba, il-Fgura.
Il-Pulizija marret fuq il-post u mill-ewwel investigazzjonijet irriżulta li bejn il-lejl tas-Sibt u l-Ħadd, xi ħadd mhux magħruf sgassa l-bieb tal-maħżen u minn ġo fih insterqu ammont ta’ armi tal-airsoft, munizzjoni tal-istess armi u affarijiet oħra relatati, li jiswew eluf ta’ ewro.
Minn aktar investigazzjonijiet li saru, il-Pulizija identifikat l-allegat ħalliel u r-raġel ġie arrestat it-Tnejn filgħodu mir-residenza tiegħu, fejn fid-dar instabu wkoll l-oġġetti misruqa.
Il-Maġistrat Ian Farrugia qiegħed imexxi inkjesta.
Ir-raġel mistenni jitressaq il-Qorti taħt arrest illum, f’xi l-ħdax u nofs ta’ filgħodu, quddiem il-Maġistrat tal-Għassa Charmaine Galea.
//= $special ?>