Direttur ta’ lukanda fil-Mellieħa u żewġ kuntratturi li ħadmu fuq rinnovazzjoni tas-sit fl-2020 ġew akkużati li naqsu milli josservaw il-liġijiet dwar is-saħħa u s-sigurtà meta esponew lill-impjegati għall-asbestos mingħajr ma ħadu miżuri ta’ mitigazzjoni.
Hmadi Abu Rub, Libjan ta’ 37 sena, Kap Eżekuttiv tal-Mellieħa Holiday Centre, magħruf ukoll bħala Danish Village ġie akkużat li naqas milli jieħu l-prekawzjonijiet xierqa u li ma wettaqx valutazzjoni tar-riskju waqt it-tneħħija tal-asbestos mis-sit u li espona lill-impjegati tiegħu kif ukoll il-kuntratturi għas-sustanza fatali.
L-asbestos, li issa huwa pprojbit madwar l-Unjoni Ewropea, darba kien meqjus bħala fiber u minerali ta’ użu tajjeb u użat f’firxa wiesgħa ta’ materjali installati fid-djar, fabbriki u ffiċċini għexieren ta’ snin ilu. L-esperti jemmnu li Malta hawn eluf ta’ metri kubi ta’ asbestos installat fil-bini. Il-materjal kien jintuża wkoll b’mod estensiv għall-art u soqfa speċjalment għal dawk magħrufa bħala ‘huts’.
Il-kuntratturi Sirjani Fahad Abdullah ta’ 44 sena u Mahmoud Hussin ta’ 34 sena ġew akkużati b’lista twila ta’ akkużi relatati max-xogħol li kienu qed iwettqu fil-Mellieħa Holiday Centre meta kien qed jiġi rinovat f’Ottubru tas-sena li għaddiet.
L-akkużi kollha kienu relatati ma’ ksur tal-liġijiet dwar is-saħħa u s-sigurtà fuq il-post tax-xogħol. Tressqu akkużi mill-pulizija f’isem l-Awtorità għas-Saħħa u s-Sigurtà fuq il-Post tax-Xogħol (OHSA). Fil-Qorti ħareġ li Il-Kap Eżekuttiv akkużat, huwa responsabbli għat-tmexxija ta’ kuljum tal-lukanda.
Huwa kien akkużat li naqas milli jinforma lill-impjegati dwar l-esponiment u r-riskji relatati, kif ukoll li naqas milli jipprovdilhom apparat ta’ protezzjoni xieraq, li naqas ukoll li jikkonsulthom dwar ir-riskji li kienu qed jiġu esposti għalihom u ma jwettqux pjan ta’ saħħa u sigurtà skont il-liġi.
Il-kuntratturi ġew akkużati separatament li naqsu milli jevitaw il-periklu, li ma informawx lill-impjegati dwar l-espożizzjoni, li ma kellhomx pjan għat-tneħħija tal-materjal karċinoġeniku u li ma wettqux eżamijiet tas-saħħa tal-impjegati tagħhom qabel u wara x-xogħol.
Huma wkoll akkużati li naqsu milli jipprovdu lill-impjegati tagħhom b’taħriġ speċjalizzat għat-tneħħija tal-asbestos. Quddiem il-Maġistrat Elaine Mercieca Rizzo, it-tlieta wieġbu mhux ħatja għall-akkużi miġjuba kontrihom. Is-seduta kienet karateriżżata b’argumenti legali magħmula mill-avukat Timothy Bartolo li talab il-permess tal-Qorti biex jiddaħħal fil-każ bħala parte civile f’isem żewġ klijenti li kienu jaħdmu fil-lukanda u li kienu esposti għall-materjal karċinoġeniku matul proġett.
Bartolo qal li l-klijenti tiegħu kienu esposti għall-asbestos mingħajr ma kienu jafu għalhekk kienu l-vittmi tar-reati allegatament imwettqa mill-akkużat. Jista’ jkun hemm konsegwenzi serji fuq saħħithom, għalkemm mhux immedjatament, huwa qal, filwaqt li żied li se jittieħdu proċeduri separati quddiem Qrati oħra wkoll.
L-avukati difensuri Alessandro Lia u Joseph Calleja oġġezzjonaw għat-talba, u qalu li l-ebda waħda mit-22 akkuża ma tindika xi ħadd speċifiku li jista’ jikkwalifika bħala ‘injured party’. Huma qalu li ma jistax ikun hemm interess dirett jew indirett f’dan il-każ ħlief dak tal-OHSA. Insistu ma kien hemm l-ebda ġrieħi f’dan il-każ u għalhekk persuni privati qatt ma jista’ jkollhom interess f’dan il-każ.
Il-Maġistrat Mercieca Rizzo se tkompli tisma’ l-każ f’Jannar għal digriet dwar din it-talba. Ir-riskji għas-saħħa mill-asbestos jinħolqu meta ssirilhom il-ħsara jew jiġu mfixkla, u jikkawżaw li l-fibri mikroskopiċi jsiru fl-arja. Meta jittieħdu man-nifs, fibri ċkejkna jippenetraw fil-fond ġewwa l-pulmuni u l-kavità tas-sider. Jistgħu wkoll jidħlu fil-ġisem permezz tas-sistema diġestiva permezz tal-inġestjoni. L-asbestos jirriżulta jista’ jwassal għal kundizzjonijiet ta’ mard bħal l-kanċer tal-pulmun. Hemm perjodu wkoll ta’ bejn 20 u 30 sena bejn l-espożizzjoni għall-perikli u l-iżvilupp tal-marda.
