Internazzjonali

Ir-Reġina Eliżabetta tqatta’ lejl l-isptar

Ir-Reġina Eliżabetta tal-Ingilterra tinsab tajba wara li bejn l-Erbgħa u l-Ħamis qattgħet lejl rikoverata l-isptar.

Komunikat mill-Palazz ta’ Buckingham maħruġ ftit tal-ħin ilu qal li r-Reġina għandha morale għoli wara li kienet l-isptar għal investigazzjonijiet preliminari.

Hi ddaħħlet l-isptar King Edward VII fiċ-ċentru ta’ Londra wara li ħassret vjaġġ li kellha skedat lejn l-Irlanda ta’ Fuq.

Bukingham Palace qal li hi reġgħet kienet wara l-iskrivanija tagħha tagħmel xi xogħol ħafif il-Ħamis waranofsinhar.

Il-Palazz Irjali ċaħad li r-Reġina kienet inħakmet mill-Covid filwaqt li spjega li hija kienet iddaħħlet l-isptar għal testijiet minkejja li xi ftit kontra r-rieda tagħha.