Matul il-jum tas-Sibt ingħata bidu għat-42 edizzjoni tar-Rolex Middle Sea Race. Għal darb’oħra minkejja n-numru ta’ sfidi, ir-Royal Malta Yacht Club irnexxielha tattira flotta internazzjonali diversa.
Il-flotta tvarja fid-daqs minn 140 pied ‘l isfel għal 30 pied. Skorpios li huwa r-rebbieħ tal-linja monohull fir-Rolex Fastnet Race tal-2021 qed itellaq taħt it-tmexxija tar-rebbieħ tal-midalja tad-deheb Olimpika fil-klassi Tornado tal-2008, Fernando Echvarri. Qed ikun imbassar ukoll li t-tellieqa se tkun waħda wkoll diffiċli għad-dgħajjes iż-żgħar.
Id-dilettanti Maltin se jkunu qed iħarsu b’attenzjoni lejn l-aħwa Podetsa bil-yacht Elusive 2, li huma rebbieħa tal-aħħar żewġ edizzjonijiet tar-Rolex Middle Sea Race u se jkunu qed jittamaw li jirbħu t-tielet edizzjoni konsekuttiva. Din is-sena, Malta se tkun rappreżentata permezz ta’ 13-il yacht. Numru ta’ fatturi fosthom it-temp se jkunu qed jidditerminaw minn se jkun qed jirbaħ din l-edizzjoni.
